Ito ang naging paglalarawan ni opposition Senator Panfilo ‘Ping’ Lacson sa destabilisasyon at kudeta na ibinibintang ng gobyerno sa grupo ni dating Assemblyman Homobono Adaza, kasabay ang alegasyong nakakahilo ang deklarasyon ng pulisya at militar.
Ayon kay Lacson, kahit sinong indibidwal ang tanungin sa magkakaibang deklarasyon ng pulisya at militar sa kudetang ibinibintang sa grupo ni Adaza, ito’y matutuliro.
Unang inanunsyo ng Armed Forces of the Philippines (AFP) ang pagkakaroon ng destabilisasyon subalit itinanggi ng Philippine National Police (PNP) pero makalipas ang isang araw, iba naman aniya ang deklarasyon ng mga opisyal nito.
Maging si Lacson na eksperto sa intelligence gathering, wala ring nasasagap na intelligence report tungkol sa destabilisasyon at tangkang pagpapabagsak sa gobyerno ni Pangulong Gloria Macapagal-Arroyo kaya’t malinaw aniyang kalokohan ito.
Ayaw kagatin ni Lacson ang kakayahan ni Adaza na makapaglunsad ng kudeta at pamunuan ang pagpapalit ng gobyerno. Mas lalo pang nakakatawa ang alegasyong destabilisasyon at kudeta laban sa grupo ni Adaza, ayon kay Lacson, dahil pawang retiradong opisyal ang itinuturo at hindi aniya gaanong matataas ang katungkulan sa military service ng mga ito.
Samantala, mariing iginiit ni AFP chief of staff Gen. Alexander Yano na hindi ‘military concern’ ang umano’y planong kudeta ng grupo nina Adaza kasabay ng paglilinaw na hindi nila kinokontra ang PNP hinggil sa nabunyag na coup plot laban sa pamahalaang Arroyo.
“There may be some proof for some people to be charged, but that doesn’t mean that it is a military concern,” ayon pa sa heneral.
(SOURCE: ABANTE-TONITE.COM)
| 
